Liedtexte(zur Auswahl auf die Titel klicken)Aapeweetschaff Ajokasa Supermann Dem Loy singe Blues Dich zo hann Dommer en Fahrkaat dr Mond övver Ihrefeld Feber Heiße Nach en Kölle Ich breng et Ich drieh durch Ich han kejne Bock mieh Kapott Kriesche bloss em Rään Kumm widder hejm Layla Mach mer nit dat Nach, die ich dröjme Schabau Sultans vum Rhing Wann der Zog endlich kütt Wann ene Kääl op e Alt stejt Wo soll ich bloß hinloufe Wunderbar hück Nach Zeig ding Jeföhle nit dabej Aapeweetschaff(Too much monkey business / Chuck Berry) Text: Ralph AurandDe Politiker, die schwade, em Fähnsinn jähn un vill, ävver wat se hück verspräche, kütt allt morje op dr Möll. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Dó han de Lück ihr Levve lang sich oentlich kromm jelaat, dóch als woer nix dóbej weed de Ränte plattjemaat. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Solo De Zäng sich mache lóße, dat woer dóch wirklich nätt, dóch mer kritt kejn nöje Zäng, wammer nix zo bieße hätt. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Och met winnig en dr Täsch, ärbejts do, dat es dóch klór, ävver morje, leeve Mann, es dä Betrieb allt nimmih dó. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Solo 6 Millione Ärbejdslose mache kejne bang dóför brassele die andere baal dobbelt esu lang. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Die dó bovve stoppe sich – de Täsche rappelvóll un wä nóch Ärbejt hätt, dä maloch we raderdóll. Dat es Aapeweetschaff, dat es Aapeweetschaff, jo et kotz mich ahn, wenn ich mer ahnsinn wat bej uns affjejt. Zurück Ajokasa Supermann(Love Potion No. 9 / The Searchers) Text: Achim FornfeistIch dach ich bräng wat mich obräje dejht, noh dem Roswitha wat die Kaate läht. Et hät dat Hüttche ungen an der Iserbahn, verkoufe dejht et Blösje von Ajokasa Supermann. Ich kunnt et schläch met Mädche wie et suu es, un dat mer dat net jähn hät es jewess. Et luurt mer in die Hand und säht „oh man oh man, janz klar du bruchs e Blösje von Ajokasa Supermann.“ Et bück sich un drieht sich un jitt mer ne Wink, un säht, „Dat es für dich mäht nix wann et stink.“ Et rüch noh Terpentin un leuchte dejt et blau, Ich hal de Naas zo luur net hin, mer weed janz flau. Ich hat janz plötzlich nur op Liebe Bock, un luur total verrück op jede Rock, doch als ich an der Schutzfrau net vorbeijon kann, do nimmp se mer dat Blösje von Ajokasa Supermann. Zurück Dem Loy singe Blues(Confessin’ the Blues / Chuck Berry) Text: Ralph AurandMädche, he stónn ich jätz för dir Han mie Hätz en dr Hand Wat ich för dich föhle Dat han ich nóch nie jekannt Oh, Mädche- óhne dich drieh ich am Rad Fiers do ens ejn Wóch nóh Mallorca Louf ich we falsch Jäld durch de Stadt Jó, ich kumme janz vun unge Han jemaggelt un jemaat Jóv et irjendjet zo holle Han ich nit lang övverlaat Oh nä-ich wór kej Kind vun Drourigkejt Ävver lor ich en ding Ouge sinn ich Dat et esu nit wigger jejt Solo Óff kan ich et Naaks nit schlófe Mänche Droum dä löjf mer nóh Dóch lijjen ich bej dir em Ärm Es dr Himmel för mich dó Oh Mädche – bej mir es nieh jet anjebrannt Ävver off wór ich am Schwemme Bej dir ben ich om sechre Land Oh Mädche, óhne dich drieh ich am Rad Sätz do mich op de Transferliss louf ich Mem Walter Hermann dorch de Stadt Zurück Dich zo hann(Loving You Is Sweeter Than Ever / The Four Tops) Text: Ralph AurandIch wejß noch jenau wie et domols wor, ich wor vill zo vill allejn un manch Naach log ich wach. Vill jerouch un vill jesoffe, doch dann han ich dich jetroffe un ich dach mich triff der Schlag. Do saats bloß ich mag dich. Op mich do kannste boue. All dat andere ed nit wichtig. Wann mir uns vertroue. Dich zo hann, hejß endlich widder zo levve. Ich simuliere af un an of mir zwei wirklich Zokunf han un ben bang et doot nit lang. Doch je länger dat ich bej dir ben trick mich immer mih noh dir hin ding Stemm allejn es für mich wie Jesang. Wann do sääs ich bruch dich. Un wells vun dir wesse bruchs do och mich. Do bruchs mir bloß en de Ouge zo luure un wejß bej mir do bes do richtig. Zurück Dommer en Fahrkaat(The Letter / The Box Tops) Text: Ralph AurandDommer en Fahrkaat ich muß flöck no Hus, he en dem Kaff halt ich es nit us. Ich wor zo lang allejn, doch jetz fahr ich hejm, mi Mädche hät mir jrad jeschrevve. Janz ejal wat mich dat Spill och koss, dohejm waat op mich ene klasse Schoss. Ich war zo lang allejn, doch jetz fahr ich hejm, mi Mädche hät mir jrad jeschrevve. Jo, et hät mer jeschrevve et künt nit mieh levve ohne mich. Jung mach flöck die Fahrkaat fähdich du sühs doch ich ben allt janz rappelich. Ich freue mich allt drop dat ich baal bei em ben, allejn kritt mich keiner mieh woanders hin. Ich war zo lang allejn, doch jetz fahr ich hejm, mi Mädche hät mir jrad jeschrevve. Zurück Dr Mond övver Ihrefeld(Moon over Bourbon Street / Sting) Text: Ralph AurandDr Mond steijt övver Ihrefeld hück Naach Lück jonn spazeere, wt weet jeschwadt un jelaach Ävver ich muß widder irjendejnem noh Do es dat Leech, de Lück, un dr Mond es do Ich bedde jeden Dag stark zo sin Wohin et mich driev, do well ich nit hin Nie höös do we ich kumme, sühs nit wo minge Schadde fällt Un dr Mond stejt övver Ihrefeld Et es allt lang her, dat ich jewodde we ich ben Naiv un unbedarff leef ich en die Fall erin Jetz zejen ich mich nie mieh am Dag Loufe nur eröm medden en dr Naach Dr Hot deef em Jeseech, vun de Ouge kejn Spur Weld we e Roubdier, aver Hang we ne Pastur Nie höös do we ich kumme sühs nit wo minge Schadde fällt Un dr Mond stejt övver Ihrefeld We jejt jede Dag durch Ihrefeld Unscholdig un jong En Famillich met vill Jäld We vill Zick hann ich bej ihr för dr Finster verbraat Met mir jekämpf, de halve Naach Woröm ben ich esu, off frog ich minge Jott Ich zerstüre wat ich jähn hann, et Leevste machen ich kapott Un nie höös do we ich kumme, sühs nit wo minge Schadde fällt Un dr Mond stejt övver Ihrefeld Zurück De Blädder sin allt brung(California Dreamin’ / The Mamas & Papas) Text: Ralph AurandDe Blädder sin allt brung und dr Himmel jrieß, allejn stonn ich op dr Stroß, un et jeit mer mies. He in die fremde Stadt, hüren ich nit hin. Un ich dräum vun Kölle, wo derhejm ich bin. Setzen em Hotel, stieren für mich hin. Noch e Ründche öm dr Block, kejne Minsch jesinn. Och en dr Wetschaff op dr Eck, kej Jeseech dat ich kenn. Un ich dräum vun Kölle, wo derhejm ich bin. De Blädder sin allt brung, un dr Himmer jrieß. Allejn stonn ich op dr Stroß, un et jeit mer mies. Ja am leevste söß ich en mingem Wage dren, un ich führ noh Kölle, wo derhejm ich ben. Zurück Feber(Fever / Peggy Lee) Text: Ralph AurandDo wejß jar nit wat do mich jäck mähs, Wej sehr ich wünsch ich wor dinge Mann, wenn do mich ens in der Ärm nemms, weed mir esu hejß wej wann ich Feber han. Ich krieje Feber, wann do mich anpacks, selvs wann do mich bloß anjelaach, Feber, allt fröh am Morje, der janze Dach bes spät en de Nach. Als ich dich et eetste Mol jesin han, nä, wat wors do för ene Schoß, en mingem Kopp dät sich alles drije, wej do dat mähs, dat hät ich jään jewoß. Mer kennen uns alt esu vill Johr lang, ävver immer wann ich bej dir ben, triff mich ene Bletz vun bovve bes unge, ich bruch bloß ding bloue Ouge zo sinn. Do wejß jetz wej et öm mich bestallt es, do ändert sich och nix mieh dran, luur mich nit esu vun der Sick aan, söns fängk dat janze Spell vun vürre an. Immer widder pack mich et Feber, do jejs mir nit us em Senn, ich kann un well do nix dran maache, do stichs mer vil zo deef em Blood dren Zurück Heiße Nach en Kölle(Harlem Shuffle / Rolling Stones) Text: Ralph AurandDo driehs dich lejch noh links, ens koot eröverjespinx. Dann driehs dich noh rächs, ich ben allt ungerwächs. Janz langsam un janz hösch, im Rhythmus bewäch. Mach bloß nit zo flöck, nit afjejöck. Süch ahn du kratz dich wie e Äpche dat es wahr; janz schlaff. Dann lejs do dich noh hinge, wie wick küss do eraf? Bloß nit esu hastig, fall nit op mich drop. Dä Rhythmus von hück Nach hält janz Ihrefeld wach. Yeah, yeah, yeah, heijße Nach en Kölle. Vum Bodem, op de Wäng, un an de Finster erus. Whoa, whoa, whoa, ich halt es nit mih us. Nit schlapp mache Mädche. Der Sattel litt allt parat. Mer rigge hück, hück, hück, noch nohm Aldermaat. Yeah, yeah, yeah, hejße Nach en Kölle. Yeah, yeah, yeah, hejße Nach en Kölle. No mach nit Mädche, fang nit et zeddere an. Mer halde hück Nach och noch janz Vugelsang wach. Donn, noch, jet, dat lecker Föttche bewäje. Donn, noch, jet, dat lecker Föttche bewäje. Yeah, yeah, yeah, hejße Nach en Kölle. Zurück Ich breng et(I Can’t Make It / Small Faces) Text: Ralph AurandIch wejß dat et dir mies jejt, wat do durchmache muß, doch schmieß nit alles fott, wejl et schläch stejt, un ich helfen dir dorus, hür ens joot zo. Ich breng et wann do’t och brengs, ejal wie do durchg´hängs, ich wejß dat do stark bes, un für jarnix bang bes, doch ohne dich löjf he jarnix, nä, nä, nä, dröm flipp jetz nit us, bruch Hätz un Verstand, mir schlonn uns durch sulang do bej mir bes. Do wejß dat ich dich jään han, ding Ouge mach mich janz jeck, doch wann do nit der Moot häs, zo mir zo stonn, dann hät et kejne Zweck. Zurück Ich drieh durch(I’ll go crazy / The Moody Blues) Text: Ralph AurandDo wejß ich föhl mich su joot. Do wejß ich föhl mich su joot. Doch wann do afhäus, drieh ich durch. Ja wann do afhäus, drieh ich durch. Denn ich mag dich, ja ich ben janz raderdoll un jeck op dich. Wann do mi Hätz brichs, drieh ich durch. Wann do mi Hätz brichs, drieh ich durch. Denn ich mag dich, ich mag dich, ja ich ben janz raderdoll un jeck op dich. Do denks an dich, nur an dich, do es kejne Platz miehj für mich. Wann do mer frempjejs, drieh ich durch. Wann do mer frempjejs, drieh ich durch. Denn ich mag dich, ja ich ben janz raderdoll un jeck op dich. Zurück Ich han kejne Bock mieh(Too much monkey business / The Hollies) Text: Ralph AurandDe Politiker, die schwade, em Fähnsinn jähn un vill Ävver wat se hück verspräche, kütt allt morje op dr Möll Ich han kejne Bóck mieh, ich han kejne Bóck mieh Ich han kejne Bóck mieh op dat, wat he bej uns affjejt Dó han de Lück ihr Levve lang sich oentlich kromm jelaat Dóch als woer nix dóbej weed de Ränte plattjemaat Ich han…. Solo De Zäng sich mache lóße, dat woer dóch wirklich nätt Dóch mer kritt kejn nöje Zäng, wammer nix zo bieße hätt Ich han… Och met winnig en dr Täsch, ärbejts do, dat es dóch klór Ävver morje, leeve Mann, es dä Betrieb allt nimmih dó Solo 6 Millione Ärbejdslose mache kejne bang dóför brassele die andere baal dobbelt esu lang Ich han… Die dó bovve stoppe sich – de Täsche rappelvóll Un wä nóch Ärbejt hätt, dä maloch we raderdóll Ich han… Zurück Kapott(I’m down / The Beatles) Text: Ralph AurandDo lüchs mich an dat es typisch för dich, do bes nit am Kriesche, nä do lachs övver mich, kapott, ich ben kapott, janz aff un fott. Mach mich net aan, ich ben kapott. Ich kouf d’r ne Ring un do schmieß en fott, esu jejt dat immer jo do määs mich janz kapott, ich ben kapott, janz aff un fott. Mir sin janz allejn en d’r Wunnung bej dir, doch do quängels nur loß de Finger vun mir, kapott, ich ben kapott, janz aff un fott. Zurück Kriesche bloss em Rään(Crying In The Rain / Everly Brothers) Text: Ralph AurandDo darf’se niemols sin, die Stech un Ping en mingem Hätze drin. Ich ben nit us Holz, doch ich hann minge Stolz. Schwäche zeig ich nit jään, dröm donn ich kriesche bloß em Rään. Trekke Wolke am Himmel hin, wejß do nit of et Trone odder Räändroppe sin. Ich weed et nit quitt, doch mirke soll’s do et nit, ich hann dich immer noch jään, dröm donn ich kriesche bloß em Rään. Wat für Droppe och falle, ming Drourigkeit hät keiner fottjewisch. Zick mir zosamme sin, luur ich nohm Himmel hin, un waat dat Rään met Trone sich vermisch. Wann ich dat ens hinger mer han, jon ich em Sonnesching spaziere bes dann, zuck nix un nix rääg sich en mingem Jeseech, nä, dat litt mer janz fään, denn ich donn kriesche bloß em Rään Zurück Kumm widder hejm(Bring it on home to me / Sam Cooke) Text: Ralph AurandWann du ding Mejnung noch ens ändere dejs, un mirks er wor verkeet, dat do jetz vun mir jejs, kumm widder hejm, he wadden ich, immer noch opp dich. Wat han mir zwej doch vill zosamme jelaach, dir zo widderspreche han ich mich nie jewaach, kumm widder hejm, he wadden ich, immer noch opp dich. Ejal wat do han wells, dat donn ich dir koufe, well met dir vun ejnem Lade en der andere loufe, kumm widder hejm, he wadden ich, immer noch opp dich. Ich ben noch immer he för dich do, ich wejß et es beklopp, ävver et es wohr, kumm widder hejm, he wadden ich, immer noch opp dich. Zurück Layla(Layla / Eric Clapton & Jim Gordon) Text: Achim FornfeistWat mähst do wann do janz allejn bes, et kejner jitt, dä op dich stejht. Wann du dich vill zo lang in dinger Hütt verstecks, un ohne dinge Stolz nix jejht. Layla, ich rütsch alt op de Knee. Layla, kumm fange mer janz neu ahn. Layla, Mädche helf uns mach uns zwei jesund. Han versöök dich opzorichte, nodemm do dich von em jetrennt. Wie ene Jeck ben ich en dich verknallt, hann d’r Dom op links jedrieht. Layla, ich rütsch alt op de Knee. Layla, kumm fange mer janz neu ahn. Layla, Mädche helf uns mach uns zwei jesund. Los uns jet Festes dodruß mache, befüür ich in de Klappsmüll bin. Zeich mer wie un wo et wigger jejht, sach net dat hät doch kejne Sinn. Layla, ich rütsch alt op de Knee. Layla, kumm fange mer janz neu ahn. Layla, Mädche helf uns mach uns zwei jesund. Zurück Mach mer nit dat(You Can’t Do That / The Beatles) Text: Ralph AurandIch moß dir ens jet verzälle, dat hörs do nit jään, wann ich dich noch ens met dem Typ sin met dä flache Stehen, der dir an’t Hemdche well, mach ich en platt. Ich sag et noch ens för dich nä, mach mer nit dat. Jester han ich dich allt widder met dem Tuppes jesin, et nächste Mol dat kann ich dir verspreche lang ich hin et es allt lang esu wick ich hann et satt. Ich sag et noch ens för dich nä, mach mer nit dat. Ich weede schwazz un blau, für Woot wann ich die Putschblos sin. Do bes ming Frau, No lach nit esu blöd, söns es alles zo spät. Jetz bes ens esu joot un hür jenau ens hin, ich kann jo selver nix doför dat ming Jeföhle su sin. Ich ben am Eng met dir, ich ben schachmatt. Ich han su off alt gesaat nä, mach mer nit dat. Zurück Nach, die ich dröjme(Nights In White Satin / The Moody Blues) Text: Ralph AurandNach, die ich dröjme, in wießem Sateng, wat ich all erlevve, kütt nie an e Eng. Ihr Schönhejt, die han ich met ejene Ouge jesin, ävver waat wohr es, stejt in kejnem Boch drin. Un ich leev dich, jo ich leev dich, nur dat es wirklich. Ich stieren de Lück noh, mänche jon Hand en Hand, wat hinger der Steen is, pack kejne Verstand. Mänch ejne verzällt dir, irjendene Stuß, wat do selver din wells, dat weeste zom Schluß. Zurück Schabau(Gin House Blues / Amen Corner) Text: Ralph AurandLot mich en Rouh, un maat üch fott. Lot mich en Rouh, un maat üch fott. Ja, et stemp ich ben am kötte, denn ich ben janz mies dropp. Lot mich en Rouh, söns jitt et e par op et Jesech. Lot mich en Rouh, söns jitt et e par op dat jecke Jesech. Wann he nit baal ene Schabau für mir stejt, mach ich en däm miese Lade he Kreech. Minge Schabau krijen ich söns miehtstens, miehtstens wann ich well. Minge Schabau krijen ich söns miehtstens, miehtstens wann ich well. Wann ene Schabau hück nit mieh drin es, dot mer ne bellije Ruutwing, dann ben ich och stell. Bloß wann ich stäänhagelvoll ben, hööt dat Spreche en mir op. Bloß wann ich stäänhageljedressevoll ben, hööt dat blöde Jelaber en mingem Kopp op. Ohne Schabau ben ich zo bang för zo levve, dä Schabau dä es ming Frau. Maat üch fott, un lot mich he en Rouh. Maat üch fott, un lot mich he en Rouh. Ja, et stemp, ich ben üch am kötte, irjentejne, irjentwo, do mir ene Schabau. Ich well Schabau. Zurück Sultans vum Rhing(Sultans of Swing / Mark Knopfler / Dire Straits) Text: Achim FornfeistDo kris ene Zitter en d’r Nach, et ränt im Park do häss alt nasse Föss. Am Rhing do hälst de ahn, d’r Kopp es endlich frej. En Grupp die spillt ene Dixi met ach Vedel, do hürs die Musik un do föhls dich wohl dobej. Flöck in die Kneip un langsam an d’r Bühn entlang. Rus us em Rähn, koum ejner dä sich he verläuf. Zuvill Konkurrenz, zuvill Alternative, doch selden hührt mer su ene joode Klang, he em Vedel, he em Vedel, am Rhing. Dann hührste janz jenau op Hein met singer Guitar luurs op jede Griff. Er mach d’r strickte Rhythmus net wie et schejt un singk. Nur en ahl Guitar kann er sich lejste, su stejht er do uns spellt sieh Ding. Un Harry mäht et nix wann er jet wigger hinge stejht. Er hätt en Vollzick-Stell er es ene joode Jung. Er spillt d’r Honky Tonk un kann och alles andere, spart et sich op füür Freitag Nach, met d’r Sultans, met d’r Sultans, vom Rhing. En Flock voll junger Fetze fläjelt sich in ejner Eck eröm. Stähnharelvoll em Zwirn un spitze Lederschoh. Se jevve nix op Blechmusik un Tröte, Dat es et net, dat es jo kinne Rock’n Roll, evver die Sultans, evver die Sultans, spille wigger. Dann kütt d’r Wirt un stellt sich an et Mikrophon, un säht jrad als die Uhr ahnschläht, dank üch jood Nach, et es jetz Zick zo jonn. Er mäht et flöck un schejt noch hingerher, dat sin de Sultans, dat sin de Sultans, vom Rhing. Zurück Wann d’r Zoch endlich kütt(In The Midnight Hour / Wilson Picket) Text: Ralph AurandIch kann koum wade bes der Zoch endlich kütt, un do bes widder bej mir zo Hus. Ich kann koum wade bes der Zoch endlich kütt, för Onjedold flippen ich bal us, louf en der Wonnung eröm wej beklopp, driehen dorch wej ene Dilledopp, bess der Zoch endlich kütt. Ich kann koum wade bes der Zoch endlich kütt un jöcken loss noh der Stroßebahn. Ich kann koum wade bes der Zoch endlich kütt und kummen vill zo fröh am Bahnhoff an, noch e Stündche op zwej weed jewaat, stonn met enem Blomestruß un Kölsch parat, bess der Zoch endlich kütt. Ich kann koum wade bes der Zoch endlich kütt, loufenervös der Bahnsteig elans. Ich kann koum wade bes der Zoch endlich kütt, denk immer dran wej schön do knutsche kanns, so stejchs us, luurs mich esu an un dann, fange de Knee mir zo schloddere an, wann der Zoch endlich kütt. Ich kann koum wade bes der Zoch endlich kütt, do nemps mich ejnfach en der Ärm. Ich kann koum wade bes der Zoch endlich kütt, bes en de Horspetze weed et mir wärm, op dich gefraut han ich mich esu lang, un dat zo sage ben ich och nit bang, wann der Zoch endlich kütt. Ich kann koum wade bes der Zoch endlich kütt, dann jejt et aff met der Tax noh Hus. Ich kann koum wade bes der Zoch endlich kütt, de dollste Sache malen ich mir allt us. Für der Düür fällt mir siedendhejß en: Der Schlössel stich jo noch vun inne dren, wann der Zoch endlich kütt. Zurück Wann ene Kääl op e Alt stejt(When a man loves a woman / Percy Sledge) Text: Ralph AurandWann ene Kääl op e Alt stejt, weiß hä nit mih wat hä dejt, dät alles op dr Kopp ställe wann hä künnt. Wann et och die hingerletzte Tiff es, mejnt hä alles andre wor nur Dress, zoff sich für et selvs met singem beste Fründ. Wann ene Kääl op e Alt stejt, jitt hä singe letzte Jrosche us, nur dat it imm nit laufe jejt. Hä dejt si Bätt noh’m Panthuus drage, un schlöf unger der Müllemerbröck, wann it für inn säät, dat mööt esu sin. Ich ben dä Kääl, dä op dich stejt, jevven der all dat wat ich nit hann, latze für all die Sache wo do jäck drop bes, wejl ich ohne dech nit levve kann. Wann ene Kääl op e Alt stejt, janz deef en der Siel, es hä verrode un verkouf. Well de Aap sej met emm maache, mirk hä nix dovun, dann hä is blind, verdötsch un douf. Wann ene Kääl op e Alt stejt, es imm alles rääch, brasselt sich duud für singe Schoß. Jo, wann ene Kääl op e Alt stejt, Mädche ich wejß janau, wie schlemm dat es. Mädche, Mädche mach bloß nit met mir Schloß. Jo, wann ene Kääl op e Alt stejt, kejn Marie mieh in dr Täsch. Wann ene Kääl op e Alt stejt, Zurück Wo soll ich bloß hinloufe(Nowhere To Run / Martha Reeves and the Vendellas) Text: Ralph AurandWo soll ich bloß hinloufe, wo verstechen ich mich? Wo soll ich bloß hinloufe, wo verstechen ich mich? Ich loufe nit für Jeföhle fott, doch dat mit dir mäht mich janz kapott, denn ich wejß do bes nix für mich, et bess wör ich wör ohne dich. Janz ejal wo ich stonn da sin ich dich, janz ejal wie ich jonn do küß bei mich. Wo soll ich bloß hinloufe, wo verstechen ich mich? Wo soll ich bloß hinloufe, wo verstechen ich mich? Ich wejß do bes nix für mich, doch wie levven ich ohne dich? Sojar naaks wann ich am Schlofe ben, krüfs do in mi Hätz erin, ich wache op un don dich vermesse, un hoffe stell, ich künnt dich verjesse. Wann ich mich kämme jon, dat es der Wahn, laachs do mich us dem Spejel an. Ich wejß nit wo mir d’r Kopp stejt, wäjen dir, do bes esu deef, esu deef, ja su deef en mir. Wäjen dir krijen ich nix mieh op de Rejh, an dir kummen ich nit fürbej. Zurück Wunderbar hück Nach(Wonderful Tonight / Eric Clapton) Text: Achim FornfeistEt es spät am Ovend, se fröch sich wat drage ich nur. Se lät flöck jet Rouge op un kämp sich dat lange Hoor. Dann dejht se mich froge „wie jefall ich dir sach?“ Un ich sach „do jefälls mer wunderbar hück Nach.“ Mer jonn op en Party, un jeder Typ drieht sich öm. su a droumhaff Fijürche Löjf hück he met mir eröm. Dann dejht se mich froge „wie föhlst de dich sach?“ Un ich sach „jood, ich föhl mich wunderbar hück Nach:“ Ich föhl mich wunderbar weil ich in dinge Ouge dat Leuchte sinn. Un dat Wunder dobej es dat du dat jarnit rejistriers, wie sehr ich dich leev han. Mer mache uns fott he, minge Schädel der mäht mich jeck. Se brink uns op heim an un hilf mer dann in et Bett. Jetz kann ich ihr sage, als ich dat Leech usmach, ich sach „mieh Mjädche, do bes wunderbar hück Nach, oh, me Mädche, wat bes du wunderbar hück Nach.” Zurück Zeig ding Jeföhle nit dabej(You’ve Got To Hide Your Love Away / The Beatles) Text: Ralph AurandIch ben am Eng, Geseech en de Häng, wat han ich bloß jemaat. Jetz es se fott, do leeven Jott, wat han ich esu lang jewaat. Wo ich jonn un wo ich stonn, sin de Lück mich an, un ich hür se für der Dür, sage wat ene Wahn. Hej, zeig ding Jeföhle nit dabej, hej, zeig ding Jeföhle nit dabej. Wej kunnt ich esu lächerlich, jlöve an mieh Jlöck, et wor nit drin vun füreneren, ich wor schon verröck. Un mänch Nach, weed ich wach, denken bloß an it, selvs em Jewöhl dat Jeföhl, weeden ich nit quitt. Hej, zeig ding Jeföhle nit dabej, hej, zeig ding Jeföhle nit dabej. Zurück |